Gəncəyə atılan mərmi nəticəsində evi dağılanlardan biri

Tarixində dərc edildi 30 Mar 2021
Baxış 1 261
1

Oktyabrın 17-də Gəncəyə atılan mərmi nəticəsində evi dağılanlardan biri də Təranə Həsənovadır. Həmin gündən ailəsi ilə birgə dövlətin verdiyi yataqxana otağında yaşayır. Deyir, evi də, yoldaşının işləyib pul qazandığı maşınları da partlayışda məhv olub. Bunun müqabilində onlara 1000 manat kompensasiya veriblər:
“Evə təmir yazıblar. Bunun üçün də 1000 manat kompensasiya veriblər. Mən deməyim, siz deyin, 1000 manata başa gələr bu ev?”
Təranə Həsənova hadisə gecəsini yaxşı xatırlayır. Deyir, ömrünün axırına qədər unutmayacağı bir travma yaşayıb:
“Yatmışdıq. Gecə 1-ə 5 dəqiqə qalardı. Partlayış oldu. Elə bildim uşaqlarım ölüb. Bizi dağıntıların altından qonşular çıxardı. Tüstü də bir tərəfdən dolmuşdu nəfəsimizə. Hiss etmirdim ölmüşəm, ya qalmışam. Çıxdıq ki, qonşularımız ölüb. Onların meyitlərini gözlərimizin önündə çıxardılar. Həmin gündən uşaqlarım da, mən də özümüzə gələ bilmirik”.
Təranə Həsənova məktəbdə xadimə işləyir. Deyir, 20 ildə kiçik bir evi güclə tikib başa gətirmişdilər. Kreditlə əşyalar almışdılar və bu gün heç nələri qalmayıb. Verilən 1000 manat isə ortalıqda xərclənib qurtarıb:
“Şikayətimizə baxan yoxdur. Bütün əşyalarımız pis günə qalıb. Bu hadisə bizim başımıza gəlib, 4 aydır yataqxanada qalırıq. Bir tərəfdən də ədalətsiz kompensasiya, ədalətsiz yanaşma bizi məhv edir. İcra hakimiyyətinə getməkdən yorulmuşam. Qəbula yazılmışam, deyirlər, “çağıracağıq”, amma çağırmırlar. Artıq xəstə düşmüşəm”.
Ana deyir ki, qızına psixoloji dəstək lazımdır. Amma bunun üçün imkanları yoxdur:
“Hər gün telefonda ölənlərin şəklinə baxıb ağlayır. Əlindən ala bilmirik. Sağ olsun, prezident müəyyən qərarlar verib, vəsait ayırıb bizim üçün. Ancaq onun ayırdığı vəsaiti bizə vermirlər. Hər gün gəlirəm evə, saatlarca dayanıram küçədə ki, bəlkə gələn, maraqlanan olar. Heç kim gəlmir. Axşam yenə kor-peşman çıxıb gedirəm yataqxanaya”.

Kanala abunə ol - goo.gl/TcM9Fm
Bizə maddi dəstək ol cutt.ly/destek

WebSite: www.meydan.tv
Facebook: MeydanTelevision
Twitter: MeydanTV
Google+ plus.google.com/+MeydanTelevision/posts
İnstagram: meydantv
__________________________________________________________________
Xəbərdən çox xəbər var. Çəkin göndərin yayımlayaq - Whatsapp : +4915777662277

MeydanTV
Şərh  
  • sevda huseynova

    sevda huseynova

    16 gün əvvəl

    müharibə zamanı zərər çəkmiş insanların ailələrin zərəri heablanıb ödənilməlidir mütləq əşyaları üçün kompensasiay ödənilməlidir ev tamamilə yararsız vəziyyətdədirsə ev verilməlidir. heç birinə laqeyd yanaşmaq olmaz bu insanların. tezliklə hamısının problemi həll olar inşallah. heç kim də bu insanların haqqını yeyə bilməz kim hələ də almayıbsa pulunu gərək ictimailəşdirsin

  • Mahir Haciyev

    Mahir Haciyev

    16 gün əvvəl

    Lənət olsun ermənilərə. Mülki əhalini hədəf almaq ancaq erməni vəhşiliyinin bir daha sübutudur. bütün dünya bu vandallığı bir daha gördü. İnşallah bütün köməklik edilər və bərpa işləri də tamamlanar.

  • Rena Resulova

    Rena Resulova

    16 gün əvvəl

    Bu evi o pula temir etmek olmaz mence.

    • zəhra tkd

      zəhra tkd

      16 gün əvvəl

      Hamiya 1000manat verirler eleweymi olar mende mektub yazmiwam bir yolum qalib hundur binadan ozumu atam ewitsinler deye

  • Ehmedov Seid

    Ehmedov Seid

    16 gün əvvəl

    Allah yardimci olsun

  • Elnur Emiraslanov

    Elnur Emiraslanov

    16 gün əvvəl

    Bacı Allah sənə kömək olsun heçnə demirəm.